USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tramp Oval ofisdə Zelenski ilə görüşdə Ukraynaya “çox kömək” vəd edib
ABŞ Prezidenti Donald Tramp avqustun 18-də Rusiya Prezidenti Vladimir Putinin ABŞ-a səfərini müdafiə edib.
Daha sonra Tramp Ağ Evdə Ukrayna Prezidenti Vladimir Zelenski ilə görüşüb. Oval ofisdə baş tutan söhbət iki liderin əvvəlki görüşü ilə müqayisədə daha mehriban keçib.
Görüşə Avropa İttifaqı və NATO liderləri də qoşulub. Onlar Trampın prosesdəki rolunu yüksək qiymətləndirərək sülh razılaşmasının zəruriliyini vurğulayıblar.
Mətbuat qarşısında açıqlama verən Tramp ABŞ-ın Ukraynaya “çox kömək edəcəyini” deyib və Rusiya ilə mümkün sülh sazişindən sonra ölkədə sülhün qorunmasında iştirak edəcəyini bildirib. Lakin ABŞ-ın rolunun hansı formada olacağı barədə dəqiq açıqlama verməyib.
Tramp həmçinin sülhə nail olmaq üçün atəşkəsin vacib olmadığını qeyd edib. Bu mövqe Rusiya Prezidenti Vladimir Putinin mövqeyi ilə səsləşir.
