USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Meydançılar həbsxanadan bəyanat yayıb: “Hakimiyyət yeni saxtakarlığa hazırlaşır”
“Meydan TV işi” üzrə həbsdə olan jurnalistlər yeni bəyanatla çıxış ediblər. Onlar bildirirlər ki, istintaq 8 aydır Meydan TV ilə əlaqəsi olmayan şəxsləri işə cəlb edir və indi Bakı Jurnalistika Məktəbinin (BJM) fəaliyyəti üzərində saxta ittihamlar qurulur.
Bəyanatda qeyd olunur ki, BJM 20 il ərzində yüzlərlə jurnalist yetişdirib, lakin Meydan TV ilə heç vaxt işgüzar əlaqəsi olmayıb. İstintaq isə mənşəyi məlum olmayan sənədlər əsasında 1 milyon manatlıq vəsaitin əldə olunması görüntüsü yaratmağa çalışır, 80 min manat vergidən yayınma ittihamı irəli sürür.
Həbsdə olan jurnalistlər vurğulayırlar ki, BJM-in qapısından belə keçməyən bir sıra həmkarları – Şəmşad Ağa, Natiq Cavadlı, Xəyalə Ağayeva, Fatimə Mövlamlı, Ülviyyə Əli və Nurlan Libre – saxta sənədlər əsasında cəzalandırılır.
“Məqsəd ittiham etmək deyil, həbs etməkdir,” – deyə bəyanatda bildirilir. Jurnalistlər ittihamların siyasi motivli olduğunu, jurnalist fəaliyyətlərinə görə təqib olunduqlarını bildirir və BJM işi ilə Meydan TV işinin ayrılmasını tələb edirlər.
“Jurnalistika cinayət deyil!” – deyə bəyanatın sonunda vurğulanır.
