USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gürcüstanda azərbaycanlıya qarşı sərhədi qanunsuz keçməyə görə cinayət işi açılıb
Gürcüstanda Azərbaycan vətəndaşı dövlət sərhədini qanunsuz keçdiyinə görə saxlanılıb. Gürcüstan Daxili İşlər Nazirliyinin yaydığı məlumata görə, 27 yaşlı Ç.G. sərhəd nəzarətindən yayınaraq ölkənin dövlət sərhədini qanunsuz şəkildə keçib.
Hüquq-mühafizə orqanlarının əməkdaşları onu Tbilisi–Marneuli yolunda avtomobil idarə edərkən saxlayıblar. Faktla bağlı Gürcüstan Cinayət Məcəlləsinin 344-cü maddəsi üzrə cinayət işi başlanıb. Həmin maddə sərhədi qanunsuz keçməyə görə 5 ilədək azadlıqdan məhrumetmə cəzasını nəzərdə tutur.
Hazırda istintaq tədbirləri davam etdirilir. Qeyd edək ki, Azərbaycanın quru sərhədləri 2020-ci ilin mart ayından bağlıdır.
