USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Yasamalda polis 27 kiloqrama yaxın narkotik götürüb, bir neçə kuryer saxlanılıb
Yasamal rayonunda narkotiklərin qanunsuz dövriyyəsinə qarşı polis əməliyyatları zamanı bir neçə nəfər saxlanılıb. Bu barədə Daxili İşlər Nazirliyinin Mətbuat xidməti məlumat yayıb.
Bildirilib ki, Yasamal RPİ 29-cu Polis Şöbəsinin əməkdaşlarının keçirdiyi tədbir nəticəsində əvvəllər məhkum olunmuş 64 yaşlı İlham Quliyev və 33 yaşlı İlkin Bağıyev saxlanılıb. Onların idarə etdiyi avtomobildən ümumilikdə 11 kiloqram 465 qram marixuana aşkarlanıb.
Digər əməliyyat zamanı isə əvvəllər məhkum olunmuş 36 yaşlı Rizvan Abıyev tutulub. Onun üzərindən və idarəsində olan vasitələrdən 5 kiloqram 376 qram marixuana, 3 kiloqram 200 qram tiryək və narkotiklərin onlayn satışı üçün istifadə etdiyi bank kartları götürülüb.
İstintaqın məlumatına görə, saxlanılan şəxslərin hər biri İran vətəndaşları ilə cinayət əlaqəsinə girərək ölkə ərazisində narkokuryerliyə cəlb olunublar.
Faktla bağlı cinayət işi başlanılıb, əməliyyat-istintaq tədbirləri davam etdirilir.
Qeyd olunur ki, son günlər keçirilən əməliyyatlar zamanı ümumilikdə 27 kiloqrama yaxın narkotik vasitə qanunsuz dövriyyədən çıxarılıb.
