USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AXCP-yə Şəhidlər xiyabanını ziyarət etməyə icazə verilmədi
Ötən gün Bakının bolşevik-erməni işğalından azad olunmasının ildönümü ilə bağlı Azərbaycan Xalq Cəbhəsi Partiyasının (AXCP) üzvləri Şəhidlər xiyabanında yerləşən türk şəhidlərinin məzarını ziyarət etmək istəyiblər.
Partiyanın üzvlərinin verdiyi məlumata görə, izdihamlı AXCP kolonu polis tərəfindən ərazidən uzaqlaşdırılıb və onların xiyabana daxil olmasına imkan verilməyib.
Bu, AXCP-nin iddiasına görə, ilk dəfədir ki, partiyanın türk şəhidlərini ziyarətinə tam şəkildə maneə yaradılır. İndiyə qədər keçirilən oxşar ziyarətlərdə polis müdaxiləsi və ya müxtəlif təxribat cəhdləri olsa da, şəhid məzarlarının ziyarətinə şərait yaradılırdı.
Partiya nümayəndələri baş verənləri “mənəvi sərhədlərin aşılması və türk şəhidlərinin xatirəsinə hörmətsizlik” kimi qiymətləndiriblər. Onların sözlərinə görə, son vaxtlar AXCP sədri Əli Kərimlinin beynəlxalq mediada çıxışlarının intensivləşməsi və regionda baş verən proseslər hakimiyyətin narahatlığını artırıb.
AXCP hesab edir ki, bu addım sosial şəbəkələrdə geniş narazılıq doğuracaq və cəmiyyətin diqqətini daha da partiyanın fəaliyyətinə yönəldəcək.
