USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran prezidenti etirazlara qarşı təşkil olunan hökumətyönlü mitinqdə iştirak edib
İran prezidenti Məsud Pezeşkian bu gün ölkəboyu davam edən etirazlara qarşı hakimiyyətin təşkil etdiyi mitinqə qatılıb. Bu barədə “Snn.ir” saytı məlumat yayıb.
Məlumata görə, aksiya İran İslam Respublikası tərəfindən etirazlara cavab olaraq keçirilib və dövlət qurumlarının dəstəyi ilə təşkil olunub. Mitinqdə hökumətyönlü şüarlar səsləndirilib, etirazlara qarşı sərt mövqe nümayiş etdirilib.
Hökumətyönlü media prezident Pezeşkianın mitinqdə iştirakını geniş şəkildə işıqlandırıb. Rəsmi açıqlamalarda bildirilir ki, aksiya guya “sionist rejimin və Amerikanın terror aktlarına qarşı” təşkil olunub. Bu yanaşma ilə İran hakimiyyəti ölkə daxilində baş verən etirazları xarici qüvvələrin təsiri ilə əlaqələndirməyə çalışır.
Qeyd edək ki, son günlər İranda baş verən etirazlar fonunda rəsmi dairələrin ritorikası daha da sərtləşib. Yüksək vəzifəli şəxslər etirazçıları xarici düşmənlərlə əlaqələndirir, təhlükəsizlik və məhkəmə orqanları isə aksiyalarda iştirak edənlərə qarşı ciddi cəza tədbirlərinin görüləcəyini bəyan edirlər.
