USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AXCP daha bir üzvünün həbs olunduğunu açıqlayıb
Azərbaycan Xalq Cəbhəsi Partiyasının (AXCP) daha bir üzvü – Gənclər Komitəsinin fəalı Aqşin Abdullayev (Oğuz) inzibati qaydada həbs edilib.
Partiyanın verdiyi məlumata görə, Binəqədi Rayon Məhkəməsinin qərarı ilə Aqşin Abdullayev 30 sutka inzibati həbs cəzasına məhkum edilib. AXCP hesab edir ki, fəal tənqidi fikirlərinə görə şərlənib, lakin həbslə bağlı konkret ittiham açıqlanmayıb.
Bildirilib ki, Aqşin Abdullayev iyunun 24-də Binəqədi rayon Polis İdarəsinin 40-cı polis bölməsinə çağırılıb. Bundan sonra onunla əlaqə kəsilib və ailəsi ondan məlumat ala bilməyib.
Hazırda partiyanın 20-yə yaxın üzvü müxtəlif ittihamlarla həbsdədir. Yerli hüquq-müdafiə təşkilatlarının siyahılarına əsasən, Azərbaycanda təxminən 375 nəfər siyasi məhbus kimi tanınır.
Rəsmi qurumlar isə bu iddiaları qəbul etmir. Onlar bildirirlər ki, ölkədə heç kim siyasi mövqeyinə və ya peşə fəaliyyətinə görə həbs olunmur.
Məsələ ilə bağlı aidiyyəti dövlət orqanlarından hələlik rəsmi açıqlama verilməyib.
