USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fələstinli yazıçı: “Öz xalqını öldürən hökumət mənim xalqımı azad edə bilməz”
Fələstinli yazıçı Raşa Hilveh İran İslam Respublikasının Fələstin məsələsinə yanaşmasını sərt tənqid edib.
Yazıçı bildirib ki, öz xalqına qarşı zorakılıq göstərən və qadınlara zülm edən bir hökumət nə onun özünü, nə də Fələstin xalqını azad edə bilər:
“Öz xalqını öldürən və öz qadınlarına zülm edən bir hökumət nə mənim xalqımı azad edə bilər, nə də məni azad edə bilər”.
Raşa Hilveh qeyd edib ki, uşaqlıq illərindən ona İran İslam Respublikasının Fələstin məsələsini dəstəklədiyi və fələstinlilərin azadlığına yardım edəcəyi təlqin olunub. Lakin yazıçının sözlərinə görə, artıq bu fikri uydurma hesab edir.
O, hazırda İran İslam Respublikasına qarşı etiraz edən İran xalqının yanında olduğunu vurğulayıb:
“Fələstin xalqı İslam Respublikasının tərəfində deyil. Biz fələstinlilərin özləri üçün tələb etdikləri hüquqları istəyən cəsur İran xalqının yanındayıq”.
Yazıçının açıqlaması sosial şəbəkələrdə və ictimai müzakirələrdə geniş rezonans doğurub.
