USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda iki narkokuryer saxlanılıb
Bakıda narkotik vasitələrin qanunsuz dövriyyəsi və satışına qarşı keçirilən əməliyyatlar zamanı iki nəfər saxlanılıb.
Nərimanov Rayon Polis İdarəsi və 16-cı Polis Şöbəsinin əməkdaşlarının keçirdiyi tədbirlər nəticəsində 57 yaşlı Rauf Əskəroğlu və 26 yaşlı İqbal Əhmədov tutulublar. Onlardan ümumilikdə 5 kiloqram 42 qram narkotik vasitə aşkarlanaraq götürülüb.
Müsadirə edilən maddələr arasında marixuana, heroin, psixotrop maddə metamfetamin, 708 ədəd metadon, preqabalin və digər güclü təsiredici xassəyə malik həblər, eləcə də narkotiklərin satışında istifadə olunan elektron tərəzi olub.
Saxlanılan şəxslər ifadələrində narkotik vasitələri sosial şəbəkə üzərindən tanış olduqları, şəxsiyyətləri araşdırılan İran vətəndaşlarından satış məqsədilə əldə etdiklərini bildiriblər.
Faktla bağlı Cinayət Məcəlləsinin müvafiq maddələri ilə cinayət işi başlanılıb. Araşdırmalar davam etdirilir.
