USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran molla rejimi etirazlarda ölənlərin meyitlərini ailələrinə pulla verir – BBC
İranda ümumxalq etirazları zamanı həlak olan şəxslərin ailələrinin təhlükəsizlik qurumları tərəfindən şantaj edildiyi bildirilir.
BBC-nin yaydığı məlumata görə, hüquq-mühafizə orqanları və bəzi xəstəxana əməkdaşları etirazlar zamanı ölən şəxslərin meyitlərini ailələrinə yalnız pul qarşılığında təhvil verəcəklərini bildiriblər.
Qeyd olunur ki, ailələrdən meyitlərin qaytarılması üçün minlərlə dollar tələb edilir. Bu məbləğ isə əksər İran vətəndaşları üçün əlçatmaz hesab olunur.
Məlumata əsasən, son iki həftə ərzində ölkə üzrə davam edən etirazlarda ölənlərin sayı ən azı 2 435 nəfərə çatıb. Həlak olanların cəsədləri morqlarda ciddi təhlükəsizlik nəzarəti altında saxlanılır.
BBC yazır ki, Rəşt şəhərində bir ailədən yaxınlarının cəsədinin verilməsi üçün 5 000 dollar, Tehranda isə başqa bir ailədən 7 000 dollardan artıq vəsait tələb olunub. Halbuki ölkədə bu sahədə orta aylıq əməkhaqqı 100 dollardan da azdır.
Məlumatda bildirilir ki, ailələr həm maliyyə təzyiqi, həm də təhlükəsizlik orqanlarının hədələri ilə üzləşdikləri üçün çox zaman bu faktları açıq şəkildə ictimailəşdirə bilmirlər.
