USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Paytaxtda oğurluq edən 5 nəfər saxlanılıb
Paytaxtın Sabunçu və Binəqədi rayonlarında bir sıra oğurluq hadisələri qeydə alınıb.
Sabunçu rayonu ərazisində bir nəfər polisə müraciət edərək avtomobilindən akkumulyatorun oğurlandığını bildirib. Daxili İşlər Nazirliyinin Mətbuat xidmətindən verilən məlumata görə, Sabunçu Rayon Polis İdarəsinin 13-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində əməli törətməkdə şübhəli bilinən, əvvəllər məhkum olunmuş 37 yaşlı A.Quliyev və 39 yaşlı Ə.Abbasov müəyyən edilərək saxlanılıblar.
Binəqədi rayonunda isə obyektlərin birindən 700 manat dəyərində təmir-tikinti alətləri və məişət əşyalarının oğurlanması faktı qeydə alınıb. Polis əməkdaşlarının keçirdikləri tədbirlərlə hadisəni törətməkdə şübhəli bilinən 36 yaşlı V.Klimaşkin və əvvəllər məhkum olunmuş 33 yaşlı Ə.Rəhimli saxlanılıblar.
Rayon ərazisində baş verən digər oğurluq hadisəsi zamanı bir evdən 2100 manat pul və 700 manat dəyərində qızıl-zinət əşyalarının oğurlanmasında şübhəli bilinən 24 yaşlı N.Sadıqova da polis əməkdaşları tərəfindən tutulub.
Faktlarla bağlı araşdırmalar davam etdirilir.
