USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Zabitlərin həqiqi hərbi xidmət müddəti 6 ay azaldıldı
Ehtiyatdan müddətli həqiqi hərbi xidmətə çağırılan və ya bağlaşma əsasında həqiqi hərbi xidmətə könüllü daxil olan zabitlərin dinc dövrdə həqiqi hərbi xidmət müddəti 6 ay azaldılıb.
Bu dəyişiklik Prezident İlham Əliyevin təsdiqlədiyi “Hərbi xidmətkeçmə haqqında Əsasnamənin təsdiq edilməsi barədə” və “Hərbi vəzifə və hərbi xidmət haqqında” qanunlara edilən dəyişikliklərdə əksini tapıb.
Sənədə əsasən, ehtiyatdan müddətli həqiqi hərbi xidmətə çağırılanlar və ya bağlaşma əsasında həqiqi hərbi xidmətə könüllü daxil olan zabitlər üçün xidmət müddəti 1 il müəyyən edilib. Qeyd olunub ki, bu müddət başa çatdıqdan sonra tərəflərin qarşılıqlı razılığı ilə həmin şəxslər kadr zabit heyətinə keçirilə bilərlər.
Dəyişikliklərə görə, bağlaşma əsasında həqiqi hərbi xidmətə könüllü daxil olan əcnəbilər və vətəndaşlığı olmayan şəxslər üçün xidmət müddəti isə 3 ilədək olacaq. Bu müddət başa çatdıqdan sonra tərəflərin razılığı ilə yeni bağlaşmanın bağlanması nəzərdə tutulur.
Qanunvericiliyə edilən bu dəyişikliklərin hərbi xidmətin təşkili və kadr potensialının formalaşdırılması baxımından daha çevik mexanizmlərin yaradılmasına xidmət etdiyi bildirilir.
