USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Jurnalistləri Müdafiə Komitəsi “Toplum” TV-nin jurnalistlərinə qarşı yeni ittihamları qətiyyətlə pisləyir
Nyu-Yorkda yerləşən Jurnalistləri Müdafiə Komitəsi Azərbaycan hakimiyyətinin “Toplum” TV-nin jurnalistlərinə qarşı altı yeni ittiham irəli sürmək qərarını və bu nəşrin daha bir müxbirinin həbsini pisləyib.
“Toplum” TV-yə qarşı yeni ittihamlar Azərbaycan hakimiyyətinin müstəqil KİV-ə qarşı görünməmiş təqibini önə çəkir", - Komitənin Avropa və Mərkəzi Asiya üzrə proqramının koordinatoru Gülnoza Səid bildirib.
"Səhhətində ciddi problemlərin olmasına baxmayaraq, Fərid İsmayılovun həbsi xüsusi narahatlıq doğurur. O və haqsız yerə həbsdə olan bütün Azərbaycan jurnalistləri dərhal azad edilməlidir", - o əlavə edib.
2024-cü ilin martında polis “Toplum” TV-nin ofisində axtarış aparıb və nəşrin təsisçisi ələsgər Məmmədlini, videoredaktor Müşfiq Cabbarı, sosial şəbəkələr üzrə menecer Elmir Abbasovu və reportyor Fərid İsmayılovu valyuta qaçaqmalçılığında ittiham edib, Komitə xatırladıb.
Məmmədli və Cabbar saxlanıldıqdan sonra həbs edilib, Abbasov və İsmayılov isə "polis nəzarətinə" buraxılıblar.
“Toplum” TV-nin əməkdaşları Qərb donorlarından "qanunsuz" qrant almaqda ittiham olunan aparıcı müstəqil KİV-in iyirmiyədək jurnalisti arasındadır.
“Toplum” TV” işi üzrə keçənləri yeni ittihamlar üzrə 12 ilə qədər həbs cəzası gözləyir.
Komitənin illik monitorinqi göstərib ki, Azərbaycan 2024-cü ildə dünyada ən çox məhbus jurnalisti olan on ölkə sırasına daxil olub.
Komitə azərbaycanlı jurnalistlərin ölkədən çıxışına qadağa qoyulması hallarına da diqqət çəkib.
Belə ki, yanvarın 11-də Bakı hava limanında jurnalist xanım Mustafayevanın xaricə getməsinə icazə verilməyib.
Yanvarın 16-da "Amerikanın səsi" radiosunun müxbiri Ülviyyə əli polisə dindirməyə çağırılıb. Ona ölkədən çıxmaq qadağan edilib.
Qeyd edək ki, 6-8 mart 2024-cü ildə “Toplum” TV nəşrinin və onun tərəfdaş təşkilatı Demokratik Təşəbbüslər İnstitutunun (Akif Qurbanov rəhbərlik edir) 9 əməkdaşı saxlanılıb. Yeddi nəfər qaçaqmalçılıq ittihamı ilə 4 ay müddətinə həbs edilib, iki nəfər polis nəzarətinə verilib.
Yanvarın 17-də onlara qarşı Cinayət Məcəlləsinin iqtisadi cinayətlərə dair 6 maddəsi üzrə ittiham irəli sürülüb. Polisin nəzarətində olan jurnalist Fərid İsmayılov da həbs edilib.
