USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Maybach-la F1 yarışına gələrkən Adnan Əhmədzadə həbs olunub
SOCAR-ın İnvestisiya departamentinin rəhbərinin keçmiş müavini Adnan Əhmədzadə Azərbaycanda həbs olunub. Ona qarşı iqtisadi təhlükəsizliyə qarşı təxribat və xüsusilə külli miqdarda mənimsəmə ittihamları irəli sürülüb.
Məlumata görə, Əhmədzadə sentyabrın 19-da “Formula 1” üzrə Azərbaycan Qran-prisinin yarışına tamaşa etmək üçün əraziyə gedərkən saxlanılıb. O, “Maybach” markalı, “77-AA-555” dövlət nömrə nişanlı avtomobillə yarış ərazisinə daxil olub. Əhmədzadənin yanında şəxsi mühafizəçiləri də olub.
Adnan Əhmədzadə illərdir SOCAR-ın və hökumət çevrələrinin neftlə bağlı maxinasiyalarında rol oynayan şəxslərdən biri kimi tanınır. O, vaxtilə prezident İlham Əliyevin sərəncamı ilə “Tərəqqi” medalı ilə təltif edilib.
Bir müddət əvvəl o, dünya futbol ulduzu Lionel Messini və “Barselona” klubunun prezidenti Joan Laportanı Bakıya gətirməsi ilə gündəmə gəlmişdi.
Ekspertlər hesab edirlər ki, Əhmədzadənin həbsi onun illər ərzində topladığı sərvətlərin əlindən alınması əməliyyatı kimi qiymətləndirilə bilər.
[mediumw=left]http://foto.info.az/uploads/posts/2025-09/1758392996_img_5833.jpeg[/medium]
