Prezident Administrasiyasının Hərbi məsələlər şöbəsinin sabiq rəhbəri, səfir Məhərrəm Əliyev və Suraxanı Rayon İcra Hakimiyyətinin başçısı Adil Əliyevin adı qalmaqallarla hallanan qohumu İsa Əzizov yenidən həbs edilib.

Məlumata görə, Əzizov bu dəfə “See Breeze” İstirahət Mərkəzində dava salıb. Hadisədən sonra polis tərəfindən saxlanılan Əzizov barəsində məhkəmənin qərarı ilə həbs qətimkan tədbiri seçilib. O, hazırda Bakıdakı 1 saylı İstintaq Təcridxanasında saxlanılır.

İsa Əzizova qarşı Cinayət Məcəlləsinin 221-ci maddəsi (xuliqanlıq) ilə ittiham irəli sürülüb.

Xatırladaq ki, Əzizov daha əvvəl də dəfələrlə məhkum olunub. Bir neçə il əvvəl Bakıda yanacaqdoldurma məntəqəsinin mühafizəçisini döydüyünə görə həbs edilib. Azadlığa çıxdıqdan sonra isə 2019-cu ildə paytaxtın mərkəzində silahlı insidentdə iştirak etdiyi üçün yenidən məsuliyyətə cəlb olunmuşdu. Hadisə zamanı o, polis əməkdaşlarına da bıçaqla müqavimət göstərmişdi.

Qeyd edək ki, bir müddət əvvəl onun Əliyevlərin bacısı oğlu olduğu barədə iddialar səsləndirilsə də, Adil Əliyev bu məlumatı təkzib edərək, İsa Əzizovun uzaq qohumları olduğunu bildirmişdi.