USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ülvi Həsənli həbsxanadan məktub göndərdi: “Əşyalarım oğurlandı, məhbuslara qarşı sistemli işgəncə var”
“Abzas Media”nın həbsdə olan direktoru Ülvi Həsənli həbsxanadan ictimaiyyətə məktub ünvanlayıb. O, məktubunda köçürülmə prosesi, şəxsi əşyalarının itməsi, məhkəmə qərarlarının ədalətsizliyi və məhbuslara qarşı sistemli işgəncə barədə iddialar səsləndirib.
Köçürülmə barədə xəbər verilməyib
Həsənlinin sözlərinə görə, 26 iyun səhər saat 8 radələrində Bakı İstintaq Təcridxanasındakı (BİT) kamerasına rəis müavini Cavid Güləliyev və nəzarətçi daxil olub. Onun heç bir xəbərdarlıq edilmədən başqa müəssisəyə aparıldığı qeyd olunur:
“Cavid dedi ki, ‘Hazırlaş, Umbakıya gedirsən’. Bizim ‘Kürdəxanı’dan köçürülməyimizin qanunsuz olmağı bir tərəfə, həm də bizə düşmən münasibətinin bariz nümunəsi idi. Hər kəsə bir neçə gün əvvəl başqa təcridxanaya köçürüləcəyi barədə məlumat almışdı, amma biz hazırlıqsız idik”.
Şəxsi əşyaların itməsinə etiraz
Ülvi Həsənli yazır ki, köçürülmə zamanı onun şəxsi əşyaları oğurlanıb. Jurnalist buna görə təcridxana rəhbərliyini məsuliyyət daşımaqda ittiham edir.
Ədalətsiz məhkəmə qərarları və işgəncə iddiaları
“Abzas Media” rəhbəri məktubunda həm də məhkəmə proseslərinin ədalətsiz keçirildiyini və siyasi motivli qərarların çıxarıldığını bildirib. O, məhbuslara qarşı sistemli işgəncələrin tətbiq olunduğunu iddia edir:
“Məhbuslara qarşı zorakılıq və işgəncə davamlı xarakter daşıyır. Bu, təsadüfi hadisə deyil, sistemin bir hissəsidir”.
Beynəlxalq çağırışlar
Qeyd edək ki, Ülvi Həsənlinin həbsi və məhkəmə prosesi yerli və beynəlxalq insan haqları təşkilatları tərəfindən siyasi sifariş kimi qiymətləndirilir. Onlar Azərbaycan hökumətini Həsənli və digər həbsdə olan jurnalistləri azad etməyə çağırıblar.
