USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Abzas Media işi” üzrə məhkəmədə Nərgiz Absalamovanın çıxışı: “İçində 13 qəpik olan kartımı da bloklayıblar”
Sentyabrın 5-də Bakı Apellyasiya Məhkəməsində “Abzas Media işi” üzrə növbəti iclas keçirilib. Prosesə hakim Zəfər Əhmədov sədrlik edib.
Məhkəmədə jurnalist Nərgiz Absalamovanın vəkili Günay İsmayılova müdafiə çıxışı edərək, iş materiallarında müvəkkilinin təqsirini sübuta yetirən heç bir dəlilin olmadığını vurğulayıb və Absalamova üçün bəraət qərarı çıxarılmasını tələb edib.
Daha sonra söz alan Nərgiz Absalamova bank hesablarına qoyulan məhdudiyyətlərə diqqət çəkib:
“İş materiallarında içində 13 qəpik olan bank kartım da bloklanıb. Mənim 13 qəpiyimə qalıblar. Demək istəyirəm ki, bəli, biz 13 qəpiklik qaçaqmalçılarıq. Arzu edirəm ki, nə vaxtsa ədalətlə qərar verən, hüququ həqiqətən ali hesab edən və özünə hörmət edən hakimlər məhkəmələri idarə edər. Hələlik isə bu məhkəmə oyundan başqa bir şey deyil. Siz də sizə tapşırılan qərarı icra edirsiniz.”
“Abzas Media işi” üzrə məhkəmə araşdırmaları davam etdirilir.
