USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Pezeşkian Xamenei ilə bağlı xəbərdarlıq edib
İran Prezidenti Məsud Pezeşkian ölkənin Ali dini lideri Əli Xameneiyə qarşı mümkün sui-qəsd cəhdinin tammiqyaslı müharibəyə səbəb ola biləcəyi barədə xəbərdarlıq edib.
Pezeşkian bu barədə sosial şəbəkə hesabında paylaşımında yazıb. O bildirib ki, İran xalqının üzləşdiyi sosial-iqtisadi çətinliklərin əsas səbəblərindən biri ABŞ hökumətinin və onun müttəfiqlərinin uzun illərdir davam edən düşmənçilik siyasəti və qeyri-insani sanksiyalarıdır.
İran prezidenti paylaşımında qeyd edib:
“Əziz İran xalqının həyatında çətinliklər və məşəqqətlər varsa, bunun əsas səbəblərindən biri ABŞ hökumətinin və müttəfiqlərinin uzun müddətdir davam edən düşmənçiliyi və qeyri-insani sanksiyalarıdır. Ölkəmizin Ali Liderinə hücum İran xalqı ilə tammiqyaslı müharibəyə bərabərdir”.
Pezeşkianın bu açıqlaması regionda artan gərginlik fonunda diqqət çəkib. İran rəsmiləri bundan əvvəl də Ali liderin təhlükəsizliyinin ölkənin “qırmızı xətti” olduğunu bəyan ediblər.
