USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda 5 moped və telefon oğurluğunda təqsirləndirilən şəxslərin məhkəməsi başlayıb
İşə Bakı Ağır Cinayətlər Məhkəməsində hakim Hafiz Kamranovun sədrliyi ilə baxılır. Prosesdə dövlət ittihamçısı Eldar Həmzə ittiham aktını elan edib.
Təqsirləndirilən şəxslər elan olunmuş ittiham üzrə özlərini təqsirli biliblər.
Məhkəmədə ifadə verən Akşin Əliyev bildirib ki, Moskva prospektində bir qadının mobil telefonunu oğurlayaraq ucuz qiymətə satıb. Onun sözlərinə görə, mopedlərdən birini digər təqsirləndirilən şəxslə birgə oğurlayıb:
“Onun yaşının az olduğunu bilmirdim. Digər mopedi isə tək oğurlamışam. Mopedi oğurlayıb gedərkən polis əməkdaşları məni saxladı, nəqliyyat vasitəsini isə cərimə meydançasına apardılar. Ümumilikdə 5 moped oğurlamışam. Məqsədim satıb pul qazanmaq idi. Əvvəllər də oğurluğa görə məhkum olunmuşam. Tutulmamışdan 7 ay əvvəl azadlığa çıxmışdım. Mopedlərin hamısı sahiblərinə qaytarılıb”.
Məhkəmənin növbəti iclası martın 16-na təyin edilib.
Hər iki şəxsə qarşı Azərbaycan Respublikasının Cinayət Məcəlləsinin 177.2.1-ci (oğurluq – qabaqcadan əlbir olan bir qrup şəxs tərəfindən törədildikdə), 177.2.2-ci (oğurluq – təkrar törədildikdə) və 170.3-cü (yetkinlik yaşına çatmayanı cinayətkar fəaliyyətə cəlb etmə) maddələri ilə ittiham irəli sürülüb.
