USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Kim Çen In 13 yaşlı qızını varis təyin edib
Şimali Koreya lideri Kim Çen In qızı Kim Cu-eyni (Kim Ju-ae) ölkənin gələcək rəhbəri kimi varis elan edib. Bu barədə Cənubi Koreyanın Milli Kəşfiyyat Xidməti (NIS) məlumat yayıb.
Kəşfiyyat qurumunun bildirdiyinə görə, Kim Çen In övladını dövlət rəhbərliyinə hazırlayır və son dövrlər onu mühüm dövlət tədbirlərinə cəlb edir. Məlumata əsasən, Kim Cu-e atasını yüksək səviyyəli mərasimlərdə və rəsmi görüşlərdə müşayiət edir, həmçinin bəzi siyasi müzakirələrdə iştirak edir.
NIS qeyd edib ki, bu addımlar onun varis kimi mövqeyinin gücləndirilməsi istiqamətində atılan addımlar kimi qiymətləndirilir. Analitiklərin fikrincə, bu, Kim ailəsinin hakimiyyətinin davamlılığını təmin etməyə yönəlmiş strategiyanın tərkib hissəsidir.
Kim Cu-eyin dəqiq yaşı rəsmi şəkildə açıqlanmayıb. Lakin Cənubi Koreya kəşfiyyatı onun 2013-cü ildə anadan olduğunu bildirir. Bu isə onun hazırda təxminən 13 yaşında olduğu anlamına gəlir.
Şimali Koreya rəhbərliyi məsələ ilə bağlı rəsmi açıqlama verməyib. Buna baxmayaraq, Kim Cu-eyin son illərdə ictimai tədbirlərdə artan iştirakı onun ölkənin gələcək lideri kimi hazırlandığı barədə iddiaları gücləndirir.
