USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azər Qasımlının cinayət işi üzrə məhkəmə istintaqı yekunlaşıb
Siyasi Menecment İnstitutunun direktoru Azər Qasımlının cinayət işi üzrə məhkəmə istintaqı başa çatıb.
Qərar Bakı Ağır Cinayətlər Məhkəməsində hakim Telman Hüseynovun sədrliyi ilə keçirilən prosesdə elan olunub.
Dövlət ittihamçısı Valeh Ələkbərov ittiham nitqi ilə çıxış edərək məhkəmədən təqsirləndirilən şəxsin 13 il müddətinə azadlıqdan məhrum edilməsini istəyib.
İttihama görə, Azər Qasımlı Cinayət Məcəlləsinin 182.2.3-cü maddəsi ilə (hədə-qorxu ilə tələb etmə – zor tətbiq etməklə törədildikdə) təqsirləndirilir.
Qeyd edək ki, A.Qasımlı 2024-cü il dekabrın 8-də saxlanılıb və barəsində həbs qətimkan tədbiri seçilib.
Məhkəmə prosesinin növbəti mərhələsində müdafiə tərəfinin çıxışı və təqsirləndirilən şəxsin son sözünün dinlənilməsi gözlənilir.
