USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhkəmə Şəmşad Ağanın anasının dəfn mərasimində iştirakına icazə verib
“Meydan TV” işi üzrə hazırda həbsdə olan jurnalist Şəmşad Ağanın (Ağayevin) anasının dəfn mərasimində iştirak etməsi ilə bağlı məhkəməyə daxil olan təqdimata baxılıb.
Bakı Ağır Cinayətlər Məhkəməsində keçirilən iclasda təqdimat təmin edilib və məhkəmənin qərarı ilə Şəmşad Ağanın dəfn mərasimində iştirakına icazə verilib.
Qeyd edək ki, jurnalistin anası dünən vəfat edib.
Xatırladaq ki, 2024-cü ilin dekabrında “Meydan TV” işi üzrə jurnalistlər Ramin Deko (Cəbrayılzadə), Aynur Elgünəş (Qənbərova), Aytac Tapdıq (Əhmədova), Natiq Cavadlı, Xəyalə Ağayeva, Ülvi Tahirov və Aysel Umudova saxlanılıb, onların barəsində həbs-qətimkan tədbiri seçilib. Bakı Şəhər Baş Polis İdarəsində onlara qarşı Cinayət Məcəlləsinin 206.3.2-ci maddəsi (qaçaqmalçılıq, qabaqcadan əlbir olan bir neçə şəxs tərəfindən törədildikdə) ilə ittiham irəli sürülüb.
2025-ci ilin fevralında iş üzrə “Arqument.az” saytının baş redaktoru Şəmşad Ağa, daha sonra jurnalistlər Fatimə Mövlamlı və Nurlan Qəhrəmanlı (Libre) həbs olunub. Mart ayında jurnalist Ülviyyə Əli (Quliyeva) barəsində həbs-qətimkan tədbiri seçilib. Avqust ayında isə foto-müxbir Əhməd Muxtar saxlanılaraq həbs edilib.
Qeyd edək ki, “Meydan TV” işi ictimaiyyət və beynəlxalq təşkilatlar tərəfindən diqqətlə izlənir.
