USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Türkiyə parlamentində yeni nazir təyinatları ilə bağlı dava düşüb
Türkiyədə yeni nazir təyinatları parlamentdə qarşıdurmaya səbəb olub.
Türkiyə Böyük Millət Məclisinin (TBMM) bugünkü iclasında Prezident Rəcəb Tayyib Ərdoğanın Akın Gürlekin ədliyyə naziri, Mustafa Çiftçinin isə daxili işlər naziri təyin olunması ilə bağlı fərmanı oxunub.
TBMM sədrinin müavini Bəkir Bozdağ yeni kabinet üzvlərini and içmək üçün kürsüyə dəvət edib. Lakin Cümhuriyyət Xalq Partiyasının (CHP) deputatları Akın Gürlekin təyinatının konstitusiyaya zidd olduğunu iddia edərək buna etiraz ediblər. CHP üzvləri bildiriblər ki, Akın Gürlek hazırda İstanbulun baş prokuroru vəzifəsində çalışdığı üçün bu təyinat qanunvericiliyə uyğun deyil.
Akın Gürlek and içmək üçün kürsüyə çıxmaq istədiyi zaman CHP deputatları buna mane olmağa çalışıb. Hakim Ədalət və İnkişaf Partiyasının (AK Parti) üzvləri isə buna qarşı çıxıb. Nəticədə parlament zalında fiziki zorakılıqla müşayiət olunan dava baş verib.
Hadisədən sonra hakim partiya deputatları kürsünün qarşısında canlı sədd yaradaraq vəziyyətin daha da gərginləşməsinin qarşısını almağa çalışıblar.
