USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Cevdet Yılmaz: “Millət TBMM-də bu cür görüntüləri haqq etmir”
Türkiyə Respublikasının vitse-prezidenti Cevdet Yılmaz Türkiyə Böyük Millət Məclisində (TBMM) baş verən insidentlə bağlı açıqlama verib.
Yılmaz sosial media hesabında paylaşdığı bəyanatda ana müxalifətin davranışını tənqid edib və bunun demokratik və hüquqi mövqe olmadığını bildirib.
O qeyd edib ki, hansı partiyaya səs verməsindən asılı olmayaraq, Türkiyə xalqı parlamentdə bu cür görüntüləri haqq etmir:
“Ana müxalifətin bu davranışı nə demokratik, nə də hüquqi mövqedir və siyasət institutunun ciddiliyi ilə uzlaşmır. Hansı partiyaya səs vermiş olursa olsun, əziz millətimiz Türkiyə Böyük Millət Məclisində bu cür görüntüləri haqq etmir. Bu tip yanaşmalar demokratik mühitə zərər vurur, Məclisimizin nüfuzuna və Daxili Nizamnaməyə açıq şəkildə ziddir. Məclis damı altında siyasət aparan bütün aktorları xalqımızı təmsil etdiklərini nəzərə alaraq, məsuliyyətli və hörmətli üslubla hərəkət etməyə çağırıram”.
Qeyd edək ki, açıqlama TBMM-də deputatlar arasında baş verən yumruqlu dava fonunda səsləndirilib.
