USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AXCP fəalı Vüqar Qədirov aclıq aksiyasına başlayıb
Hazırda həbsdə olan Azərbaycan Xalq Cəbhəsi Partiyası (AXCP) İmişli Rayon Şöbəsinin üzvü Vüqar Qədirov aclıq aksiyasına başlayıb.
Bu barədə Azadlıq qəzetinə fəalın ailəsi məlumat verib. Ailəsinin sözlərinə görə, Vüqar Qədirova təqsirləndirildiyi cinayət işi üzrə yeni ittihamlar irəli sürülüb. O, ittihamları qəbul etmədiyindən etiraz olaraq aclıq aksiyasına başladığını bildirib.
Yaxınları qeyd edirlər ki, səhhətində problemlər olsa da, saxlanıldığı cəzaçəkmə müəssisəsi tərəfindən ona gətirilən dərmanların qəbuluna icazə verilmir.
Vüqar Qədirov qanunsuz silah saxlama maddəsi ilə ittiham olunur. O, ötən il dekabrın 12-də bir neçə mülki geyimli şəxs tərəfindən saxlanılaraq naməlum istiqamətə aparılmışdı. Daha sonra onun evində və işlədiyi kafedə axtarış aparılıb, barəsində həbs qətimkan tədbiri seçilib.
Bundan əvvəl rusiyameylli təbliğata etiraz etdiyi üçün Qədirov Saleh Səmədov adlı şəxs tərəfindən xüsusi ittiham qaydasında məhkəməyə verilmişdi.
