USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Avropada həbsdə olan azərbaycanlı jurnalistlərə dəstək kampaniyası davam edir
Avropanın müxtəlif şəhərlərində Azərbaycanda həbsdə olan jurnalistlərə diqqət çəkmək məqsədilə başladılan beynəlxalq kampaniya davam edir.
Növbəti dəstək aksiyası Almaniyanın Passau şəhərində keçirilib. Aksiya zamanı Azərbaycanda həbsdə olan jurnalistlərin portretləri şəhərin mərkəzi küçələrində nümayiş etdirilib. Eyni zamanda üzərində “Jurnalistlər Azərbaycan hökuməti tərəfindən həbsdə girov kimi saxlanılır” şüarı yazılmış plakatlar yerləşdirilib.
Təşəbbüsün əsas məqsədi beynəlxalq ictimaiyyətin Azərbaycanda söz və media azadlığı sahəsində mövcud vəziyyətə diqqətini çəkmək, eləcə də həbsdə olan jurnalistlərlə həmrəylik nümayiş etdirməkdir.
Qeyd olunur ki, kampaniya yaxın günlərdə Avropanın digər şəhərlərində də davam etdiriləcək.
Foto: Vəli Şükürov
