USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Haaqada azərbaycanlı siyasi mühacirlərin etiraz aksiyası keçirilib
Avropada yaşayan bir qrup azərbaycanlı siyasi mühacir Niderlandın Haaqa şəhərində Avropa İnsan Hüquqları Məhkəməsi və Beynəlxalq Cinayət Məhkəməsi qarşısında etiraz aksiyası keçirib.
Aksiya iştirakçıları Azərbaycanda jurnalistlərə, hüquq müdafiəçilərinə və ictimai fəallara qarşı siyasi motivli həbslərə, eləcə də işgəncə və qeyri-insani rəftar faktlarına etiraz ediblər. Çıxışlarda hazırda onlarla jurnalistin və vətəndaş cəmiyyəti nümayəndəsinin uydurma ittihamlarla həbsdə saxlanıldığı bildirilib.
Etirazçılar 2016–2017-ci illərdə baş vermiş və “Tərtər işi” kimi tanınan hadisələr zamanı hərbçilərə qarşı sistemli işgəncələrin tətbiq olunduğunu, bu mexanizmin bu gün də tənqidçi səslərə qarşı istifadə edildiyini vurğulayıblar. Çıxışlarda həmin iş üzrə məsuliyyət daşıyan şəxslərin cəzasız qalmasının yeni pozuntulara yol açdığı qeyd olunub.
Aksiya zamanı beynəlxalq ictimaiyyətə çağırış edilərək bütün siyasi məhbusların dərhal və qeyd-şərtsiz azad olunması, jurnalistlərə qarşı cinayət işlərinə xitam verilməsi və müstəqil medianın fəaliyyətinin bərpa olunması tələb edilib.
Kamran Nəsirli
