USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ Yaxın Şərqə daha bir aviadaşıyıcı göndərə bilər
ABŞ İrana qarşı artan gərginlik fonunda Yaxın Şərqə ikinci aviadaşıyıcı zərbə qrupunun göndərilməsini nəzərdən keçirir.
“Wall Street Journal”ın yaydığı məlumata görə, Pentaqon bununla bağlı planlaşdırma göstərişi alıb. Bildirilir ki, qərar qəbul olunacağı təqdirdə “USS George H.W. Bush” aviadaşıyıcısı iki həftə ərzində bölgəyə yola salına bilər.
Məlumata əsasən, söhbət ABŞ-ın regiondakı hərbi mövcudluğunu gücləndirmək məqsədilə əlavə qüvvələrin yerləşdirilməsindən gedir. İkinci aviadaşıyıcının göndərilməsi Vaşinqtonun Yaxın Şərqdə artan təhlükəsizlik risklərinə qarşı hazırlıq səviyyəsini yüksəltmək niyyəti kimi qiymətləndirilir.
Xatırladaq ki, bundan əvvəl ABŞ Mərkəzi Komandanlığı (CENTCOM) “USS Abraham Lincoln” (CVN-72) təyyarədaşıyıcı gəmisini Yaxın Şərqə göndərmişdi. Hazırda həmin zərbə qrupu regionda fəaliyyət göstərir.
Pentaqon məsələ ilə bağlı rəsmi qərarın verilib-verilmədiyini açıqlamayıb. Lakin ekspertlər hesab edirlər ki, mümkün qərar ABŞ-İran münasibətlərindəki gərginliyin yeni mərhələyə keçdiyini göstərə bilər.
