Bu barədə hüquqşünas özünün Feysbuk səhifəsində paylaşıb edib:
"Bakıda səfərdə olan Almaniya Bundestaqının Hüquq Komitəsinin ayrı-ayrı fraksiyaları təmsil edən səkkiz deputatı ilə görüşdük.
Nümayəndə heyətinə Bundestaqın Hüquq Məsələləri Komitəsinin sədri xanım Elisabeth Winkelmeier-Becker rəhbərlik edirdi.
Görüş Almaniyanın Bakıdakı səfirliyində baş tutdu.
Görüş zamanı insan hüquqlarının mövcud durumu, repressiv mühit, siyasi ağırlıqlı inzibati və cinayət təqibləri, medianın, vətəndaş cəmiyyətinin, hüquq müdafiə təşkilatlarının vəziyyəti, xüsusilə, Almaniyadan deposrtasiya edilən, sonradan saxta ittihamlar üzrə həbs edilən, bəzi hallarda işgəncələrə məruz qalan müxalif fəalların işləri, inanclı şəxslərin kütləvi həbsi və s. müzakirə obyekti oldu.
Görüşdə vəkil Zibeydə Sadıqova, hüquqşünas Xalid Ağəli, Almaniyanın Azərbaycandakı səfiri Dr. Ralf Horlemann, səfirin müşaviri Marcel Vietor da iştirak edirdilər."