USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hakim Sülhanə Hacıyevanın səlahiyyətlərinə xitam verildi
Xətai Rayon Məhkəməsinin hakimi Sülhanə Hacıyevanın hakimlik fəaliyyətinə son qoyulub.
APA-nın məlumatına görə, onun fəaliyyəti qiymətləndirilib və nəticə olaraq səlahiyyət müddəti uzadılmayıb. Beləliklə, Sülhanə Hacıyeva artıq vəzifəsini icra etmir.
Qeyd edək ki, Sülhanə Hacıyeva 2022-ci ildə Prezident İlham Əliyevin sərəncamı ilə Xətai Rayon Məhkəməsinin hakimi təyin olunmuşdu. Onun 3 illik səlahiyyət müddəti 2025-ci ilin iyulunda başa çatıb.
Qanunvericiliyə əsasən, hakimlər ilk dəfə vəzifəyə üç illik müddətə təyin olunurlar. Bu müddətin sonunda onların fəaliyyəti Məhkəmə-Hüquq Şurası tərəfindən qiymətləndirilir. Əgər peşəkar fəaliyyətində ciddi çatışmazlıq aşkar olunmazsa, hakimin səlahiyyətləri 66 yaşadək uzadıla bilər.
Sülhanə Hacıyeva adı xüsusilə son illərdə siyasi motivli məhkəmə işləri ilə əlaqəli hallarda çəkilib. O, bir sıra jurnalist və vətəndaş cəmiyyəti fəalları barəsində həbs qətimkan tədbirinin seçilməsi barədə qərarlar verib. Bu məhkəmə qərarları cəmiyyətdə və mediada geniş rezonans doğurmuşdu.
