Gürcüstan parlamentinin sədri Şalva Papuaşvili bildirib ki, prezident Mixail Kavelaşvilinin səsləndirdiyi siyasətçilərin əfv olunması təklifi sabiq prezident Mixail Saakaşviliyə aid deyil.

Parlament spikeri jurnalistlərin suallarını cavablandırarkən məsələ ilə bağlı açıq mövqe sərgiləyib:

“Əlbəttə, bu təklif Ukrayna vətəndaşlarına aid deyil”, – deyə Papuaşvili vurğulayıb.

Xatırladaq ki, Saakaşvili hazırda Gürcüstanda həbsdədir və o, həmçinin Ukrayna vətəndaşlığına da malikdir. Onun vəziyyəti və sağlamlıq durumu beynəlxalq təşkilatların və hüquq müdafiəçilərinin diqqətindədir.

Buna baxmayaraq, Gürcüstan hakimiyyəti sabiq prezidentə əfv imkanının tanınmayacağını açıq şəkildə bəyan edir.