USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Polis son iki gündə 52 cinayət şübhəlisini saxlayıb
İyulun 5-i və 6-sı ərzində respublika ərazisində qeydə alınan 47 yeni cinayət hadisəsi və əvvəlki dövrlərdən bağlı qalan 6 cinayət hadisəsi daxili işlər orqanlarının əməkdaşları tərəfindən açılıb. Bu barədə Daxili İşlər Nazirliyinin Mətbuat Xidməti məlumat yayıb.
Nazirliyin məlumatına görə, cinayət törətməkdə şübhəli bilinən 52 nəfər saxlanılıb.
Eyni zamanda, müxtəlif səbəblərlə axtarışda olan 24 nəfər, o cümlədən borclu şəxs qismində axtarışda olan 22 nəfər tapılaraq aidiyyəti üzrə təhvil verilib.
Əməliyyatlar zamanı narkotik vasitələrlə bağlı 17, qanunsuz saxlanılan silah-sursatla bağlı isə 4 fakt aşkarlanaraq hüquqi tədbirlər görülüb.
Daxili İşlər Nazirliyi cinayətkarlığa qarşı mübarizəni davam etdirdiyini və ictimai təhlükəsizliyin təmin olunması istiqamətində tədbirlərin gücləndirildiyini qeyd edib.
