USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniya Çin hərbi gəmisini lazer hücumunda ittiham edir – Pekin təkzib edir
Almaniya hökuməti Çin hərbi gəmisinin Qırmızı dəniz üzərində alman kəşfiyyat təyyarəsinə lazer yönəltdiyini iddia edib. Hadisə Avropa İttifaqının husilərə qarşı apardığı əməliyyat zamanı baş verib. Almaniya bu insidentlə bağlı Çinin səfirini Berlində Xarici İşlər Nazirliyinə çağırıb və izahat tələb edib.
Çin Xarici İşlər Nazirliyi ittihamları rədd edərək, hadisəyə dair Almaniya tərəfinin təqdim etdiyi məlumatların faktlara əsaslanmadığını bildirib. Pekin tərəfi dialoqun və qarşılıqlı anlayışın vacibliyini vurğulayıb.
Mütəxəssislər lazer istifadəsinin pilotları kor etmək təhlükəsi yaratdığını və bunun təxribat xarakteri daşıya biləcəyini qeyd edirlər. Qeyd olunur ki, daha əvvəl Avstraliya və Filippin də Çin Hərbi Dəniz Qüvvələrinin lazerlərdən istifadəsi ilə bağlı oxşar şikayətlər səsləndirib.
