USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanda kazinolar leqallaşdırıldı – Yalnız Xəzərdə süni torpaq sahələrində
Milli Məclis iyulun 8-də keçirilən növbədənkənar sessiyasında Azərbaycanda kazino oyunlarının keçirilməsinə icazə verən qanun layihəsini üçüncü oxunuşda qəbul edib.
Qanun layihəsinə əsasən, kazino oyunları yalnız Xəzər dənizində yaradılan süni torpaq sahələrində təşkil oluna bilər. Layihənin məqsədi süni torpaq sahələrində kazino fəaliyyətinin hüquqi və təşkilati əsaslarını müəyyən etməkdir.
Milli Məclisin iclasında bildirilib ki, bu dəyişikliklər ölkədə vergi daxilolmalarının artmasına, turizm potensialının güclənməsinə və yeni iş yerlərinin yaranmasına xidmət edəcək.
Qanunla kazinoların yalnız xüsusi ərazilərdə yerləşməsi fəaliyyətə mərkəzləşdirilmiş və nəzarətli yanaşmanı təmin edəcək. Eyni zamanda, layihədə lisenziyalaşdırma, pul yuyulmasına və terrorizmin maliyyələşməsinə qarşı nəzarət (AML/CFT), reklam hüququ, vergi və rüsumlar, hüquqi və inzibati məsuliyyət kimi məsələlər də hüquqi cəhətdən tənzimlənib.
Bu qərar ölkədə qumar oyunlarının hüquqi müstəvidə ilk dəfə leqallaşdırılması kimi tarixə düşür.
