USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
"Müsəlman Birliyi" Hərəkatının fəal üzvü Əbülfəz Bünyadovun evində axtarış aparılıb
Avqustun 26-da Müsəlman Birliyi Hərəkatının (MBH) üzvü Əbülfəz Bünyadovun evində axtarış aparıldığı bildirilir. Bu barədə Turan-a Hərəkatdan bildiriblər.
Qeyd edilib ki, yataq xəstəsi olan Bünyadovun evində axtarış məhkəmə qərarı əsasında aparılıb: "Evindən müxtəlif ədəbiyyat, mobil telefon və planşet götürülüb. Axtarış aparanlar Bünyadovun yaxınlarına vəkilə zəng vurmağa imkan verməyiblər, onların əlindən də telefonları alıblar, özlərini isə evdən çıxarıblar".
Məsələ ilə bağlı hüquq-mühafizə orqanlarından münasibət öyrənmək mümkün olmayıb.
Bünyadov 2015-ci il noyabrın 26-da Nardaranda keçirilmiş xüsusi əməliyyat zamanı həbs edilib.
Əməliyyat zamanı o, bir neçə güllə yarası alıb və hərəkət qabiliyyətini tam itirib.
2018-ci il iyulunda məhkəmə onu 15 il müddətinə azadlıqdan məhrum edib.
2019-cu ildə səhhətində ciddi problem olduğundan Bünyadov məhkəmənin qərarı ilə cəzasının çəkilməmiş hissəsindən azad edilib.
