USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xəzərdə batma təhlükəsi ilə üzləşən 3 balıqçı xilas edilib
Xəzər dənizində köməksiz vəziyyətdə qalmış üç Azərbaycan vətəndaşı xilas olunub.
Bu barədə Dövlət Sərhəd Xidmətindən (DSX) məlumat verilib. Bildirilib ki, oktyabrın 31-də saat 15:35-də Sahil Mühafizəsinin Astara sahil nəzarəti şöbəsinin Kələdəhnə bölməsinə Xəzər dənizinin Azərbaycana mənsub ərazi sularında balıqçı qayığının zədələnməsi nəticəsində üç nəfərin batma təhlükəsi ilə üzləşdiyi barədə məlumat daxil olub.
Təxirəsalınmaz tədbirlər görülərək dövlət sərhədinin mühafizəsində olan “Tufan” tipli sərhəd gəmisi hadisə yerinə göndərilib və operativ şəkildə axtarış-xilasetmə əməliyyatı həyata keçirilib.
Nəticədə saat 17:15-də dənizdə köməksiz vəziyyətdə qalmış Astara rayon sakinləri – 1980-ci il təvəllüdlü Ruhid Ağabalayev, 1985-ci il təvəllüdlü Namik Həsənov və 1974-cü il təvəllüdlü Arif Həsənov sərhəd gəmisinə təxliyə edilərək sahilə çıxarılıb.
