USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bir mesajla aldadırlar, bir kliklə pulunuzu oğurlayırlar — DİN-dən çağırış
Texnologiyanın inkişafı ilə dələduzluq üsulları da təkmilləşir. Daxili İşlər Nazirliyi vətəndaşları kart məlumatlarını — PIN, CVV, parol, SMS-kod və s. — heç bir halda kənar şəxslərlə paylaşmamağa çağırır. Bank əməkdaşı və ya hər hansı təşkilat bu tip məlumatları sizdən tələb etmir.
DİN xəbərdarlıq edir ki, dələduzlar müxtəlif şablon mətnlər və zənglərlə vətəndaşları aldadırlar. Tez-tez istifadə olunan sxemlərə misal olaraq belə mesaj və ya zəng mətnləri göstərilir:
• “Bankdandır, kodu təcili verin.”
• “Endirim üçün linki paylaşın.”
• “Təcili yoxlama tələb olunur, məlumatları göndərin.”
• “Nömrəniz uduş kuponu qazanıb, kodu qəbul edib təsdiqləyin.”
• “Kartınız bloklanacaq, təsdiq üçün linkə keçin.”
• “Hesabınıza pul köçürülüb, qəbul üçün məlumatınızı daxil edin.”
• “Sizin adınıza kredit sifarişi var, imtina üçün kodu göndərin.”
Bütün halların məqsədi eynidir — əvvəlcə şəxsi məlumatınızı, sonra isə vəsaitinizi ələ keçirmək.
DİN vətəndaşlara tövsiyə edir:
• Heç vaxt PIN, CVV, parollar və SMS-kodlarınızı paylaşmayın.
• Şübhəli linklərə klik etməyin və şəxsi məlumatları sosial şəbəkələrdə və ya mesajlaşma tətbiqlərində paylaşmayın.
• Şübhəli hallarla qarşılaşdıqda dərhal bankınızla əlaqə saxlayın və DİN-in “102” Xidməti‑Zəng Mərkəzinə məlumat verin.
