USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qaxda 125 min manatlıq oğurluq edən şəxs xarici ölkələrə istirahətə gedib
Qax rayonunda yerləşən iki evdən ümumilikdə 125 min manat dəyərində oğurluq edilib.
İlkin məlumata görə, axşam saatlarında evlərə daxil olan naməlum şəxs 100 min manata yaxın pul və 25 min manat dəyərində qızıl-zinət əşyalarını ələ keçirib.
Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, polis əməkdaşlarının keçirdiyi əməliyyat-axtarış tədbirləri nəticəsində cinayət əməlini törətməkdə şübhəli bilinən, əvvəllər də oğurluğa görə dəfələrlə məhkum edilmiş 32 yaşlı Elçin Rəşidov saxlanılıb.
İstintaq zamanı müəyyən edilib ki, E.Rəşidov oğurladığı pulla xarici ölkələrə istirahətə gedib, qızıl-zinət əşyalarını isə lombarda girov qoyaraq pul alıb.
Araşdırmalarla onun paytaxtın Binəqədi rayonunda da analoji cinayət törətdiyi müəyyən olunub.
Faktla bağlı cinayət işi başlanılıb, məhkəmənin qərarı ilə Elçin Rəşidov barəsində həbs qətimkan tədbiri seçilib.
