USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəxtiyar Hacıyevin məhkəməsi başlayır. İttihamlara əsasən Hacıyevi 12 ilədək həbs gözləyir
İnsan hüquqları fəalı Bəxtiyar Hacıyevin cinayət işi üzrə ibtidai istintaq noyabrın 13-də yekunlaşıb.İstintaqın nəticələrinə əsasən Hacıyev Azərbaycan Cinayət Məcəlləsinin 8 maddəsi ilə ittiham olunur. Fəal Cinayət Məcəlləsinin 192.1 (qanunsuz sahibkarlıq), 193-1.3.2 (cinayət yolu ilə əldə edilmiş külli miqdarda pul vəsaitinin və ya digər əmlakın leqallaşdırılması), 206.1 (qaçaqmalçılıq), 213.1 (vergi ödəməkdən yayınmaq), 221.2.2 (hakimiyyət nümayəndəsinə müqavimətlə bağlı xuliqanlıq), 289.1 (məhkəməyə hörmətsizlik), 320.1 (şəxsiyyət vəsiqəsinin və ya digər rəsmi sənədin saxtalaşdırılması və ya qanunsuz hazırlanması, ştampların, möhürlərin, blankların saxtalaşdırılması), 320.2 (bilərəkdən saxta sənədlərdən istifadə edilməsi) maddələri ilə ittiham edilir.
Hacıyev bütün ittihamları rədd edir və onları uydurma hesab edir.
Bəxtiyar Hacıyev və vəkillər cinayət işinin materialları ilə tanış olduqdan sonra iş Bakı Ağır Cinayətlər Məhkəməsinə göndəriləcək.
İttihamlara əsasən Hacıyevi 12 ilədək həbs gözləyir.
Hüquq müdafiəçisi Rüfət Səfərov Kamran Mahmudovun təqdimatında yayımlanan “Çətin sual” verilişində bu barədə danışır.
