USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
"Kanal 13" internet televiziyasının aparıcısı Rüfət Muradlı azadlığa buraxılıb
"Kanal 13" internet televiziyasının aparıcısı və Azərbaycan Demokratiya və Rifah Partiyasının sədr müavini Rüfət Muradlı yanvarın 1-də azadlığa buraxılıb.
Rüfət Muradlı dekabrın 2-də İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmama) maddəsi ilə 1 ay müddətinə həbs olunmuşdu.
Jurnalist Turana bildirib ki, dekabrın 2-də avtomobilindən enən kimi 4 nəfər tərəfindən saxlanılıb, sonra barəsində protokol tərtib olunub: "Sonra isə Xətai Rayon Məhkəməsinə aparıldım, orada da heç bir məhkəmə araşdırması aparılmadan 1 ay müddətinə həbs olundum".
O, ona qarşı ittihamlarla razılaşmır və həbsini jurnalist və siyasi fəaliyyəti ilə əlaqələndirib: "Birincisi xuliqanlıq mənim xarakterimdə yoxdur, ikincisi isə orada xuliqanlıq etmək heç macal belə yox idi. Maşından enən kimi saxladılar".
R.Muradlı qeyd edib ki, həbsdə olarkən "Kanal 13" televiziyasının həbsdə olan rəhbəri Əziz Orucovun cinayət işi ilə bağlı şahid qismində dindirilib.
Əziz Orucov dekabrın 28-də həbs edilib. O, bir ildən üç ilə qədər azadlıqdan məhrum edilməsini nəzərdə tutan 188.2-ci (qanunla müəyyən edilmiş mülkiyyət, istifadə və ya icarə hüququ olmadan torpaq sahəsində tikinti və ya quraşdırma işlərinin özbaşına aparılması) maddəsi ilə ittiham olunur. Kanal-13 son illərdə YouTube kanalı formatında yayımlanıb.
