Azərbaycan Respublikasının Milli Məclisinə keçirilən 1 Sentyabr 2024-cü il tarixli seçkilər total saxtakarlıq fonunda keçirildi. Hazırda fəaliyyət göstərən Milli Məclis Azərbaycan xalqının iradəsini heç bir halda təmsil etmir.

Mütəmadi olaraq seçkilərin total saxtakarlıq fonunda keçirilməsini, Azərbaycan xalqının hakimiyyətinin oğurlanmasını, hakimiyyətin bir əldə cəmləşməsini, bununla da xalqın dövlət idarəetməsindən məhrum edilməsini əsas tutaraq, bir qrup Azərbaycan ziyalısı, ictimai və siyasi xadimi “Azərbaycan Xalq Parlamenti”ni (bundan sonra AzXP) təsis etmək üçün təşəbbüs göstərib.

AzXP-nin təsis konfransı 18 Oktyabr 2024-cü ildə, Bakı vaxtı ilə saat 20:00-da internet resursları üzərindən yayımlanacaqdır.

Təsis konfransında AzXP-nin yaranması bəyan ediləcək, Nizamnaməsi və Məramnaməsi qəbul ediləcək, AzXP-nə seçkilərin təşkil edilməsi üçün Seçki Komissiyası yaradılacaq, AzXP-nə seçkilərin keçirilməsi və seçki günü haqqında müzakirələr aparılacaq.

Təsis konfransı ABA Media, Ayvazoğlu TV, Azad Söz, Azerfreedom TV və Xural TV kanalları ilə canlı olaraq yayımlanacaq.


Azərbaycan Xalq Parlamentinin təsisçiləri.