Azərbaycanlı hüquq müdafiəçisi Rüfət Səfərovun həbsinə münasibət bildirən Amnesty İnternational-ın Şərqi Avropa və Mərkəzi Asiya üzrə direktoru Mari Struthers deyib:

“Rüfət Səfərovun qondarma dələduzluq və xuliqanlıq ittihamı ilə həbsi Azərbaycan hakimiyyətinin ölkədə fərqli səsləri susdurmaq üçün amansız səylərinin daha bir parlaq nümunəsidir. Rüfət Səfərovun əsassız həbsi hüquq müdafiəçilərinin işinə xələl gətirmək, ölkədə insan haqlarının vəziyyətinin monitorinqinə mane olmaq, hakimiyyətə həqiqəti söyləməyə cəsarət edən hər kəsi qorxutmaq məqsədi daşıyır. Təsadüfi deyil ki, bu, COP29-un beynəlxalq diqqət mərkəzində Azərbaycandan uzaqlaşan kimi baş verdi”.

Rüfət Səfərovun əsassız həbsi hüquq müdafiəçilərinin işinə xələl gətirmək, ölkədə insan haqlarının vəziyyətinin monitorinqinə mane olmaq məqsədi daşıyır.

Mari Struthers, Amnesty International-ın Şərqi Avropa və Mərkəzi Asiya direktoru “Azərbaycan hakimiyyəti Rüfət Səfərovu dərhal azad etməlidir, çünki o, sırf öz insan hüquqlarının dinc şəkildə həyata keçirilməsinə görə saxlanılır. Səlahiyyətlilər ölkədə hər kəsin insan hüquqlarına, o cümlədən ifadə və birləşmək azadlığına hörmət etməli, onları qorumalı, təşviq etməli və yerinə yetirməlidir. Hüquq müdafiəçilərinin və hökuməti tənqid edənlərin təqib edilməsi ədalət prinsiplərini aşındırır və beynəlxalq insan hüquqları standartlarını sarsıdır”.

Qeyd edək ki, tanınmış hüquq müdafiəçisi Rüfət Səfərov dekabrın 3-ü axşam saatlarında saxlanılıb. O, ölkə Cinayət Məcəlləsinin 178.3.2-ci (“külli miqdarda ziyan vurmaqla dələduzluq”) və 221.1-ci (“xuliqanlıq”) maddələri ilə ittiham olunub. Günahı sübuta yetirilərsə, onu 10 ilə qədər həbs gözləyir. O, daha əvvəl 2015-ci ildə hökuməti tənqid edən ictimai bəyanatla çıxış etdikdən sonra açıq-aşkar qondarma ittihamlarla doqquz il həbs edilib. Həmin vaxt Zərdab rayon Prokurorluğunda müstəntiq işləyən o, daha sonra tutduğu vəzifədən istefa verərək müxalifətə keçib. 2019-cu ildə əfv olunaraq azadlığa buraxılıb.

Səfərovun həbsi Azərbaycanda fəallara və hökuməti tənqid edənlərə qarşı repressiyaların gücləndiyi bir vaxta təsadüf edir, bunu Anar Məmmədli və Qubad İbadoğlu kimi fəalların özbaşına həbsi sübut edir.

Xəbəri bu linkdən oxuya bilərsiz