USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
CPJ “Meydan TV işi” üzrə ittihamların ağırlaşdırılmasını pislədi
Jurnalistləri Müdafiə Komitəsi (CPJ) “Meydan TV işi” üzrə həbs olunan jurnalistlərə qarşı əlavə ittihamların verilməsini və fotomüxbir Əhməd Muxtarın həbsini sərt şəkildə tənqid edib.
Qurumun bəyanatında vurğulanır ki, Azərbaycan hökuməti jurnalistləri peşə fəaliyyətlərinə görə əsassız şəkildə həbs edib və onlar dərhal azad olunmalıdır. CPJ həmçinin qeyd edib ki, “Meydan TV-yə qarşı irəli sürülən maliyyə cinayətləri ittihamları əvvəllər ‘Abzas Media işi’ üzrə yeddi jurnalistin uzunmüddətli həbslərinə səbəb olmuş ittihamlarla səsləşir” və bu, müstəqil mətbuatın susdurulması kampaniyasının miqyasını göstərir.
Məlumata görə, avqustun 28-də “Meydan TV işi” üzrə istintaq yekunlaşıb və jurnalistlərə qarşı ittihamlar Cinayət Məcəlləsinin 8 maddəsi ilə ağırlaşdırılıb. Elə həmin gün fotoqraf Əhməd Muxtar da saxlanılaraq 40 günlük həbs edilib. O, bu iş üzrə həbs edilən sayca 12-ci jurnalistdir.
Ümumilikdə, 2024-cü ilin dekabrından bəri Meydan TV ilə bağlı cinayət işi çərçivəsində 20-dən çox jurnalist və media işçisi həbs olunub. Onlar ittihamları qəbul etmir və fəaliyyətlərinə görə təqib olunduqlarını bildirirlər.
