USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Meclis.info” saytının rəhbəri İmran Əliyevin məhkəmə prosesi başlayıb
Mayın 27-də Bakı Ağır Cinayətlər Məhkəməsində “Meclis.info” saytının rəhbəri İmran Əliyev, ictimai fəal Elgiz Qəhrəman və Tamella Musayevanın cinayət işi üzrə məhkəmə prosesi başlayıb. Prosesə hakim Roman Ələkbərlinin sədrliyi ilə start verilib.
İclasda öncə təqsirləndirilən şəxslərin anket məlumatları dəqiqləşdirilib. Daha sonra İ.Əliyevin vəkili Rəsul Cəfərov müvəkkilinin şüşə qəfəsdən çıxarılaraq onun yanında əyləşməsi üçün vəsatət qaldırıb. O, həmçinin sübutların yetərsiz olduğunu əsas gətirərək işə xitam verilməsini, bu mümkün olmazsa, həbs qətimkan tədbirinin ev dustaqlığı ilə əvəzlənməsini tələb edib. Məhkəmə yalnız Əliyevin qəfəsdən çıxarılmasına razılıq verib.
İş üzrə baxış iclası iyunun 10-na təyin olunub.
Xatırladaq ki, qaçaqmalçılıqda ittiham edilən İmran Əliyev 2024-cü ilin aprelində saxlanılıb. O, saxlanılarkən polis zorakılığına məruz qaldığını, döyülərək və bədəninə elektrik verilməklə ifadə imzalamağa məcbur edildiyini iddia edib.
Platforması parlamentin fəaliyyətini izləməyə yönəlmiş “Meclis.info” işində digər təqsirləndirilən şəxs Elgiz Qəhrəman polis nəzarətinə verilib. Ona qarşı Cinayət Məcəlləsinin 8 maddəsi üzrə ittiham irəli sürülüb və bu maddələr 12 ilədək həbs cəzası nəzərdə tutur.
