USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İctimai fəal Elgiz Qəhrəman cinayət məsuliyyətinə cəlb olunub
İctimai fəala Cinayət Məcəlləsinin 8 maddəsiylə ittiham verilib
İctimai fəal Elgiz Qəhrəman cinayət məsuliyyətinə cəlb olunub.
Bu barədə məlumatı ictimai fəal özünün “Facebook” hesabında yazıb.
Elgiz Qəhrəman bir ilə yaxındır həbsdə olan “meclis.info” saytının rəhbəri İmran Əliyevin işi üzrə təqsirləndirilən şəxs qismində tanınıb. Lakin istintaq dövrü üçün barəsində polis nəzarətinə vermə qətimkan tədbiri seçilib.
O, özünün Feysbuk səhifəsində yazıb: "28 fevralda dindirilmək üçün Bakı Şəhər Baş Polis İdarəsinə dəvət olunmuşdum. Meclis.info işi üzrə təqsirləndirilən şəxs elan olundum və barəmdə polisin nəzarəti altına vermə qətimkan tədbiri seçildi. Cinayət Məcəlləsinin 8 maddəsi ilə 192.2.2 (küllü miqdarda gəlir əldə etməklə qanunsuz sahibkarlıq), 192.2.3 (mütəşəkkil dəstə tərəfindən törədildikdə), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda törədildikdə), 206.4 (mütəşəkkil dəstə tərəfindən qaçaqmalçılıq), 213.2.1 (vergiləri ödəməkdən yayınma - mütəşəkkil dəstə tərəfindən törədildikdə),320.1 (sənəd saxtalaşdırma), 320.2 (saxta sənədlərdən istifadə etmə) ittiham olunuram."
Bu maddələrdə 12 ilədək həbs cəzası nəzərdə tutulub.
E.Qəhrəman 2016-cı ildə də narkotik ittihamı ilə həbs olunmuşdu. Ona Bakı Ağır Cinayətlər Məhkəməsinin hökmüylə 5 il 6 ay cəza verilmişdi. Sonradan Ali Məhkəmə cəza müddətini 3 ilə endirmişdi.
O zaman ictimai fəal özünü təqsirli bilməyərək, sosial şəbəkə hesabında yazdığı statusa görə şərlənərək həbs olunduğunu bildirmişdi.
