USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İctimai fəal cinayət məsuliyyətinə cəlb olunub
İctimai fəal Elgiz Qəhrəman cinayət məsuliyyətinə cəlb olunub.
E.Qəhrəman bu barədə özünün “Facebook” hesabında yazıb.
Elgiz Qəhrəman hazırda həbsdə olan “meclis.info” saytının rəhbəri İmran Əliyevin işi üzrə təqsirləndirilən şəxs qismində tanınıb. Lakin istintaq dövrü üçün barəsində polis nəzarətinə vermə qətimkan tədbiri seçilib.
“Fevralın 28-də dindirilmək üçün Bakı Şəhər Baş Polis İdarəsinə dəvət olunmuşdum. “meclis.info” işi üzrə təqsirləndirilən şəxs elan olundum və barəmdə polisin nəzarəti altına vermə qətimkan tədbiri seçildi”, - E.Qəhrəman yazıb.
E.Qəhrəmana qarşı Cinayət Məcəlləsinin 8 maddəsiylə – 192.2.2 (küllü miqdarda gəlir əldə etməklə qanunsuz sahibkarlıq), 192.2.3 (mütəşəkkil dəstə tərəfindən törədildikdə), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (…xeyli miqdarda törədildikdə), 206.4 (mütəşəkkil dəstə tərəfindən qaçaqmalçılıq), 213.2.1 (vergiləri ödəməkdən yayınma – mütəşəkkil dəstə tərəfindən törədildikdə),320.1 (sənəd saxtalaşdırma), 320.2 (saxta sənədlərdən istifadə etmə) ittiham irəli sürülüb.
Bu maddələrdə 12 ilədək həbs cəzası nəzərdə tutulub.
E.Qəhrəman 2016-cı ildə də narkotik ittihamı ilə həbs olunmuşdu. Ona Bakı Ağır Cinayətlər Məhkəməsinin hökmüylə 5 il 6 ay cəza verilmişdi. Sonradan Ali Məhkəmə cəza müddətini 3 ilə endirmişdi.
