Aprelin 7-də futbol üzrə UEFA Avropa Liqasının 2021-2022-ci il mövsümünün dörddəbir final mərhələsinə start verilib.
Axar.az xəbər verir ki, açılış oyununda Almaniyanın "Leyptsiq" klubu İtaliyanın "Atalanta" komandasını qəbul edib. Qarşılaşma 1:1 hesablı heç-heçə ilə başa çatıb.
Görüşdə hesabı qonaqlar açıblar. Luis Muriel 17-ci dəqiqədə komandasını önə keçirib. Meydan sahibləri 58-ci dəqiqədə Davide Zappakostanın öz qapısına vurduğu qolla tarazlığı bərpa ediblər.
Günün digər görüşləri aşağıdakı hesablarla yekunlaşıb:
"Ayntraxt" (Almaniya) - "Barselona" (İspaniya) - 1:1
“Vest Hem" (İngiltərə) - "Lion" (Fransa) - 1:1
"Braqa" (Portuqaliya) - "Reyncers" (Şotlandiya) - 1:0
Qeyd edək ki, cavab görüşləri aprelin 14-də oynanılacaq.