USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan XİN Zaxarovanın Qarabağla bağlı açıqlamasına cavab verib
Azərbaycan Xarici İşlər Nazirliyi Rusiya Xarici İşlər Nazirliyinin sözçüsü Mariya Zaxarovanın Qarabağ bölgəsi və Kollektiv Təhlükəsizlik Müqaviləsi Təşkilatı ilə bağlı fikirlərinə münasibət bildirib.
XİN-in mətbuat katibi Ayxan Hacızadə Zaxarovanın açıqlamalarını reallığın təhrif olunması kimi qiymətləndirib.
O bildirib ki, Qarabağ bölgəsi beynəlxalq ictimaiyyət, o cümlədən Rusiya tərəfindən hər zaman Azərbaycanın ayrılmaz hissəsi kimi tanınıb. Bu baxımdan, KTMT mexanizmlərinin Azərbaycanın uzun illər Ermənistanın işğalı altında qalmış suveren ərazilərinə münasibətdə tətbiq olunması məsələsinin gündəmdə saxlanılması əsassız hesab edilib.
Azərbaycan XİN vurğulayıb ki, ölkə öz ərazi bütövlüyünü və suverenliyini beynəlxalq hüququn tələblərinə uyğun şəkildə bərpa edib və bununla keçmiş münaqişəyə son qoyulub.
Bəyanatda Rusiya-Ermənistan münasibətlərinə aid məsələlərin Azərbaycanla əlaqələndirilərək şərh olunmasına son qoyulmasının vacibliyi də qeyd edilib.
Mariya Zaxarova iyulun 27-də çıxışı zamanı Ermənistanın KTMT mexanizmlərindən istifadə məsələsini qaldırdığını, lakin Qarabağın Ermənistan tərəfindən nə öz ərazisi, nə də müstəqil ərazi kimi tanındığını və bu səbəbdən təşkilatın kollektiv təhlükəsizlik mexanizminin tətbiqinin mümkün olmadığını bildirmişdi.
