USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev Maldiv Prezidentini Müstəqillik Günü münasibətilə təbrik edib
Azərbaycan Prezidenti İlham Əliyev Maldiv Respublikasının Prezidenti Məhəmməd Muizzuya ölkəsinin Müstəqillik Günü münasibətilə təbrik məktubu göndərib.
Məktubda Maldiv Prezidentinə və xalqına ən səmimi təbriklər çatdırılıb, ölkəyə əmin-amanlıq və rifah arzulanıb.
İlham Əliyev Azərbaycan ilə Maldiv arasında münasibətlərin inkişafından məmnunluğunu ifadə edib. O, iki ölkə arasında birbaşa uçuşların həyata keçirilməsinin və ümumvətəndaş pasportlarına malik şəxslərin qarşılıqlı olaraq viza tələbindən azad edilməsinin insanlararası əlaqələrin, xüsusilə turizmin inkişafına təkan verdiyini bildirib.
Dövlət başçısı diplomatik münasibətlərin qurulmasının 20-ci ildönümünü qeyd edən iki ölkə arasında dostluq və əməkdaşlığın gələcəkdə də genişlənəcəyinə əminliyini ifadə edib.
