USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
FHN güclü küləklə bağlı əhaliyə xəbərdarlıq edib
İyulun 27-si və 28-də Azərbaycan ərazisində güclü küləyin əsəcəyi proqnozlaşdırılır.
Bununla əlaqədar Fövqəladə Hallar Nazirliyi əhaliyə təhlükəsizlik qaydalarına ciddi əməl etməyi tövsiyə edib.
Nazirlik bildirib ki, küləkli havada dənizə girmək təhlükəlidir. Kiçikhəcmli gəmi və digər üzmə vasitələrindən istifadə edən şəxslər də belə hava şəraitində dənizə çıxmamalıdırlar.
İsti və quraq hava fonunda güclü küləyin yanğın riskini artırdığı da vurğulanıb. Vətəndaşlara açıq ərazilərdə odla ehtiyatlı davranmaq və yanğın təhlükəsizliyi qaydalarına riayət etmək çağırışı edilib.
Güclü külək zamanı yüngül konstruksiyalı və müvəqqəti tikililərdən, binalardan, reklam lövhələrindən, elektrik dirəkləri və naqillərindən, eləcə də hündür ağaclardan uzaq durmaq tövsiyə olunur.
